Múslí ilmandi af kanil og engifer

Þetta múslí klárast alltaf mjög fljótt því það er engu líkt.

Innihald

3 dl tröllahafrar ( allt í lagi að nota venjulega )

2 dl kasjúhnetur

2 dl pekanhnetur

2 dl hörfræ

2 dl sólblómafræ

1 dl graskersfræ

1 dl þurrkuð trönuber

2 dl döðlur smátt saxaðar

2 dl kókosflögur ristaðar (einnig hægt að nota kókosmjöl )

1 dl agave síróp

1 tks vaniludropar

2 1/2 tsk kanill

2 1/2 tsk engifer

Aðferð

Hitið ofninn í 180 gráður.

Saxið hneturnar í hæfilega bita og blandið saman í skál öllu nema kókosflögunum, trönuberjunum og döðlum. Hrærið blönduna vel saman og hellið á ofnplötu klædda bökunarpappír. Setjið inn í heitan ofninn, fylgist vel með og hrærið reglulega í svo blandan bakis vel á öllum hliðum í 20-25 mín.

Kælið múslíið og blandið saman við það, döðlum, trönuberjum og kókosflögum.

Eigið góðan dag og njótið ykkar í eldhúsinu.